O Proxecto Xenoma Humano (PGH) foi un proxecto de investigación científica co obxectivo fundamental de determinar a secuencia de pares de bases químicas que compoñen o ADN e identificar e cartografar os aproximadamente 20.000-25.000 xenes do xenoma humano.
O proxecto, dotado con 3000 millóns de dólares, foi fundado en 1990 no Departamento de Enerxía e os Institutos Nacionais da Saúde dos Estados Unidos, cun prazo de realización de 15 anos. Debido á ampla colaboración internacional, aos avances no campo da xenómica, así como os avances na tecnoloxía computacional, un borrador inicial do xenoma foi rematado no ano 2000, finalmente o xenoma completo foi presentado en abril do 2003, dous anos antes do esperado. A maioría da secuenciación realizouse nas universidades e centros de investigación dos Estados Unidos, Canadá, Nova Zelandia, Gran Bretaña e España.
O xenoma humano é a secuencia de ADN dun ser humano. Está dividido en fragmentos que conforman os 23 pares de cromosomas distintos da especie humana (22 pares de autosomas e 1 par de cromosomas sexuais). O xenoma humano está composto por aproximadamente entre 22500 e 25000 xenes distintos. Cada un destes xenes contén codificada a información necesaria para a síntese dunha ou varias proteínas (ou ARN funcionais, no caso dos xenes ARN). O "xenoma" de calquera persoa (a excepción dos xemelgos idénticos e os organismos clonados) é único.
Coñecer a secuencia completa do xenoma humano pode ter moita relevancia canto aos estudos de biomedicina e xenética clínica, desenvolvendo o coñecemento de enfermidades pouco estudadas, novas medicinas e diagnósticos máis fiables e rápidos. Non obstante descubrir toda a secuencia xénica dun organismo non nos permite coñecer o seu fenotipo.
O proxecto, dotado con 3000 millóns de dólares, foi fundado en 1990 no Departamento de Enerxía e os Institutos Nacionais da Saúde dos Estados Unidos, cun prazo de realización de 15 anos. Debido á ampla colaboración internacional, aos avances no campo da xenómica, así como os avances na tecnoloxía computacional, un borrador inicial do xenoma foi rematado no ano 2000, finalmente o xenoma completo foi presentado en abril do 2003, dous anos antes do esperado. A maioría da secuenciación realizouse nas universidades e centros de investigación dos Estados Unidos, Canadá, Nova Zelandia, Gran Bretaña e España.
O xenoma humano é a secuencia de ADN dun ser humano. Está dividido en fragmentos que conforman os 23 pares de cromosomas distintos da especie humana (22 pares de autosomas e 1 par de cromosomas sexuais). O xenoma humano está composto por aproximadamente entre 22500 e 25000 xenes distintos. Cada un destes xenes contén codificada a información necesaria para a síntese dunha ou varias proteínas (ou ARN funcionais, no caso dos xenes ARN). O "xenoma" de calquera persoa (a excepción dos xemelgos idénticos e os organismos clonados) é único.
Coñecer a secuencia completa do xenoma humano pode ter moita relevancia canto aos estudos de biomedicina e xenética clínica, desenvolvendo o coñecemento de enfermidades pouco estudadas, novas medicinas e diagnósticos máis fiables e rápidos. Non obstante descubrir toda a secuencia xénica dun organismo non nos permite coñecer o seu fenotipo.